မြိုင်ကြီးငူအထူးဒေသတွင် စိန်ပန်းမြိုင်ရေလောင်တမံ မြို့မဈေးသစ်ကို ခမ်းနားစွာဖွင့်လှစ်၊ ယနေ့မှစတင်၍ စိတ်ကြိုက်ဈေးဝယ်ယူနိုင်ပြီဖြစ်ကြောင်း သတင်းကောင်း
မြိုင်ကြီးငူ၊ ဇွန် ၁၇
ကရင်ပြည်နယ်၊ မြိုင်ကြီးငူအထူးဒေသ၊ နံနံ့သာမြိုင်ဆွေမြို့တော်ရှိ ဒေသခံပြည်သူများနှင့် ပတ်ဝန်းကျင်ကျေးရွာများအတွက် အဓိကကျသော စိန်ပန်းမြိုင်ရေလောင်တမံ မြို့မဈေးသစ် ဖွင့်ပွဲအခမ်းအနားကို ယနေ့ (၂၀၂၆ ခုနှစ်၊ ဇွန်လ ၁၇ ရက်) တွင် စည်ကားသိုက်မြိုက်စွာ ကျင်းပပြုလုပ်ခဲ့သည်။
အဆိုပါ ဈေးသစ်ဖွင့်ပွဲ အခမ်းအနားတွင် တာဝန်ရှိပုဂ္ဂိုလ်များနှင့် ဖိတ်ကြားထားသော ဧည့်သည်တော်များ တက်ရောက်ခဲ့ကြပြီး၊ ဈေးသစ်ကြီးအား ဖဲကြိုးဖြတ် ဖွင့်လှစ်ပေးခဲ့ကြသည်။ ဈေးသစ်အတွင်း ဒေသထွက်ကုန်များ၊ သားငါး၊ ဟင်းသီးဟင်းရွက်များနှင့် လူသုံးကုန်ပစ္စည်းမျိုးစုံကို စနစ်တကျ ခင်းကျင်းပြသရောင်းချနေသည့် မြင်ကွင်းများကြောင့် အထူးပင် စည်ကားအသက်ဝင်လျက်ရှိသည်။
မြိုင်ကြီးငူအထူးဒေသတွင်း ကုန်စည်စီးဆင်းမှု မြန်ဆန်ချောမွေ့စေရန်နှင့် ဒေသခံများ သန့်ရှင်းလတ်ဆတ်သော စားသောက်ကုန်များကို တစ်နေရာတည်းတွင် အဆင်ပြေချောမွေ့စွာ ဝယ်ယူနိုင်ရန် ရည်ရွယ်၍ ယခု မြို့မဈေးသစ်ကြီးကို တည်ဆောက်ဖွင့်လှစ်ခဲ့ခြင်းဖြစ်သည်။
ယနေ့ ဇွန်လ ၁၇ ရက်နေ့မှစတင်၍ မြိုင်ကြီးငူ မြို့မဈေးသစ်ကြီးတွင် မိဘပြည်သူများ စိတ်အေးချမ်းသာစွာဖြင့် လာရောက်ဈေးဝယ်ယူနိုင်ပြီဖြစ်ကြောင်းနှင့် ရောင်းသူ၊ ဝယ်သူများဖြင့် စည်ကားလျက်ရှိကြောင်း ဝမ်းမြောက်ဖွယ် သတင်းကောင်းပါးအပ်ပါသည်။
