ဩဂုတ် ၂၆၊ ၂၀၂၆ (မြဝတီ)
(၂၅) ကြိမ်မြောက် မြဝတီမြို့ ကရင်ရိုးရာ ဝါခေါင်လ ချည်ဖြူဖွဲ့မင်္ဂလာ ပွဲတော်တွင် ပါဝင်ဆင်နွှဲနိုင်ရန်အတွက် မြဝတီမြို့မှ အမာခံ ကရင်စာပေနှင့် ယဉ်ကျေးမှု မိသားစုဝင်များက တေးသီချင်းများနှင့် ရိုးရာအကများကို အင်တိုက်အားတိုက် ကြိုတင်ပြင်ဆင် လေ့ကျင့်လျက်ရှိကြောင်း သိရသည်။
ပွဲတော်ကြီးကို စည်ကားသိုက်မြိုက်စွာ ကျင်းပနိုင်ရေးအတွက် တေးသံရှင်များနှင့် အကအဖွဲ့များက အနုပညာတင်ဆက်မှု ပိုင်းဆိုင်ရာများကို နေ့စဉ်ဇောက်ချ လေ့ကျင့်ဆောင်ရွက်နေကြခြင်းဖြစ်သည်။